راچڵەكین -
بەڕێوەبەرایەتی كەشناسی و بومەلەرزەزانی هەرێمی كوردستان پێشبینییەكانی بۆ كەشوهەوای 48 كاتژمێری داهاتووی ناوچە جیاجیاكانی هەرێم بڵاودەكاتەوە.
ئەمڕۆ یەكشەممە 30ی تشرینی دووەمی 2025 لە ئەنجامی هاتنی نزمە پاڵە پەستۆی لاواز بۆ سەر ناوچەكەمان كەشی ناوچەكەمان بەم شێوەیە دەبێت ئاسمان نیمچە هەور دەبێت و پێشبینی نمە باران لە سەر هەندێ ناوچەی شاخاویی هەیە بەشێوەی نمە بارانی پچر پچری كەم لە كاتەكانی ئێوارە و شەو .
سبەینێ دوو شەممە 1ی كانوونی یەكەمی 2025 لە ئەنجامی بەردەوامی ئەو نزمە پاڵە پەستۆ لاوازەی كە تا كاتەكانی نیوەڕۆ بەردەوامی دەبێت، پێشبینی دەكرێت ئاسمان بە گشتی نیمچە هەور بێت، هەروەها پێشبینی باران دەكەین لە سەر ناوچە شاخاوییە سنوورییەكان و بە شێك لە ناوچە شاخاوییەكانی سنووری پارێزگای سلێمانی , و ئەگەری دروست بوونی هەورە تریشقە هەیە , لە دوای نیوەڕۆ كەشەكە ئاسایی دەبێتەوە و ئاسمان دەگۆڕێت بۆ پەڵە هەور.
پلەكانی گەرما نزمدەبێتەوە بە (2-3) پلە بەراوورد بە تۆماركراوەكانی ئەمڕۆ وەك لە خوارەوە ئاماژەیان پێدراوە:
هەولێر : 21پلەی سیلیزی
سلێمانی : 20پلەی سیلیزی
دهۆك : 20 پلەی سیلیزی
زاخۆ : 20 پلەی سیلیزی
كەركوك : 22 پلەی سیلیزی
هەڵەبجە : 18 پلەی سیلیزی
گەرمیان : 22 پلەی سیلیزی
سۆران : 18 پلەی سیلیزی