ڕاچڵەکین سپۆرت -

 

ئەمشەو کاتژمێر 11:00 بە کاتی کوردستان، لە یارییەکانی گەڕی 14یەمی خولی پلە یەکی ئیسپانی، یانەی ڕیال مەدرید لەدەرەوەی یاریگای خۆی دەبێتە میوانی یانەی جریۆنا.

لەدوای ئەوەی شەوی ڕابردوو بەرشەلۆنە سەرکەوتنی بەدەستهێنا و بە شێوەیەکی کاتی چووە پێشەنگی لالیگا، ڕیال مەدرید دەبێت سەرکەوتن بەدەست بهێنێت بۆ ئەوەی بگەڕێتەوە بۆ پێشەنگی.

چابی ئەڵۆنسۆ لە تواناکانی هەریەک لە یاریزانان ڕائول ئەسینسیۆ و دانی کارڤاخال و ئەلابا و دین هاوسن بەهۆی پێکانەوە بێبەش دەبێت، بەڵام ئەنتۆنی ڕۆدیگێر لەدوای ماوەیەکی زۆر گەڕایەوە لیستی یاریزانانی ڕیال مەدرید.

بەپێی ڕۆژنامەی "ئاس" پێکهاتەی چاوەڕوانکراوی ڕیال مەدرید بۆ یارییەکەی بەرامبەر جیرۆنا بەم شێوەیەی لای خوارەوەیە:

گۆڵپارێز: کۆرتوا.

هێڵی بەرگری: ئارنۆڵد ، میلیتاو ، کارێراس ، مێندی.

هێڵی ناوەند: چوامینی ، ڤاڵڤێردی ، ئاردا گولەر ، بێلینگهام.

هێڵی هێرشبەر: ڤینیسیۆس ، مباپێ.