راچڵەكین-
نرخی گەشتكردن بە ئۆتۆمبێل بۆ ئێران كەمكراوەتەوە، هەروەك هاوڵاتیان ئازادن لە ژمارەی ئەو گەشتانەی دەیكەن. لێپرسراوی پەیوەندییەكانی دەروازەی باشماخ وا دەڵێت.
ئەمڕۆ یەكشەممە 30ی تشرینی دووەمی 2025 مەریوان كەریم سەعید، روونیكردەوە، رسووماتی گەشتكردن بە ئۆتۆمبێل بۆ ئێران كە پێشتر 250 دۆلار بوو، بۆ 200 دۆلار كەمكراوەتەوە،.
وتیشی، ئەو مەرجە لابراوە كە یەك گەشت بكەن لە مانگێكدا و هاوڵاتیان ئازادن لەوەی لە مانگێكدا چەند جار گەشت دەكەن.
لێپرسراوی پەیوەندییەكانی دەروازەی باشماخ ئەوەشی روونكردەوە رسووماتی هاتنەژوورەوەی ئەو هاوڵاتیانەی لە ئێرانەوە دێنە هەرێم ٤٠ هەزار دینارە و ئەوانیش ئازادن لە مانگێكدا چەندجار گەشت دەكەن.