راچڵەکین- 

رێکخراوی هەنگاو بڵاویکردەوە: دوێنێ شەممە، هێزە ئەمنییەکانی کۆماری ئیسلامی ئێران هەڵیانکوتاوەتە سەر ماڵی ئەسمەر حەمیدی هونەرمەند لە شاری مانە سەمەلقانی سەر بە پارێزگای خۆراسان و دەستگیریان کردووە.

روونیشیکردەوە: دوای ئەوەی دەستگیریان کردووە، ناوبراویان بۆ شوێنێکی نادیار گواستووەتەوە و پەڕەی فەرمی ئینستاگرامەکەشی لەلایەن هێزە ئەمنییەکانی کۆماری ئیسلامی ئێرانەوە داخراوە.

باسی لەوەشکرد: ئەسمەر حەمیدی یەکێکە لە هونەرمەندانی گەنجی بواری مۆسیقای کوردی لە خۆراسان و یەکێکیشە لە ژنە چالاکوانەکانی بواری فەرهەنگی و پێشتریش لەلایەن دەزگا ئەمنییەکانی ئێرانەوە بانگ کراوە.