راچڵەکین-
بەهۆی لێچوونی غازەوە لە یەکێک لە
گەڕەکەکانی سلێمانی تەقینەوەیەک روویدا و کەسێک بریندارە.
بەگوێرەی زانیارییەکان، سەرلەبەیانی ئەمڕۆ
شەممە، لە یەکێک لە ماڵەکانی گەڕەکی ئاوبارەی سلێمانی تەقینەوەیەک بەهۆی لێچوونی
غازەوە روویدا و دەوترێت کەسێک بەهۆی رووداوەکەوە بریندارە.
زانیارییەکان ئەوە ئاشکرا دەکەن، ئەو ماڵەی
رووداوەکە تیایدا روویداوە دوو هاوسەری تێدا دەژی و لەکاتی رووداوەکەدا تەنها
پیاوەکە لە ماڵەوە بووە کە بەهۆی تەقینەوەکەوە بریندار بووە و گواستراوەتەوە بۆ
نەخۆشخانە.