راچڵەكین -
ئەنجومەنی نوێنەرانی عیراق وادەی یەكەمین دانیشتنی خولی نوێی دەستیشنان كرد كە تێیدا پەرلەمانتاران سوێندی یاسایی دەخۆن و پاشان سەرۆك و جێگرانی سەرۆكی پەرلەمان هەڵدەبژێردرێن.
فەرمانگەی كاروباری پەرلەمانیی ئەنجومەنی نوێنەرانی عیراق بڵاویكردەوە، رۆژی دووشەممە 29-12-2025، كاتژمێر 12ی نیوەڕۆ یەكەمین دانیشتنی خولی نوێی پەرلەمان بەڕێوەدەچێت و كارنامەكەش بریتییە لە دوو بڕگە.
بڕگەی یەكەم تایبەتە بە سوێندخواردنی ئەندامانی خولی نوێی پەرلەمان، بڕگەی دووەمیش تەرخان دەكرێت بۆ هەڵبژاردنی سەرۆك و جێگرانی سەرۆكی پەرلەمان.
ئەمەش لەكاتێكدایە تائێستا پێكهاتەكانی سوننە كە پۆستی سەرۆكی ئەنجومەنی نوێنەرانی عیراق لە پشكی ئەواندایە، لەسەر كاندیدێكی هاوبەش بۆ وەرگرتنی پۆستەكە نەگەیشتوونەتە رێككەوتن.