راچڵەكین -
لەسنووری پارێزگای دیالە بەهۆی شەڕو پێكدادانی نێوان دوو بنەماڵە، چەندین كەس كوژران و بریندار بوون.
میدیاكانی عیراق بڵاویانكردەوە، ئەمڕۆ هەینی لەسنووری ناحیەی خان بەنی سەعد لە باشووری شاری بەعقوبەی سەنتەری پارێزگای دیالە، شەڕو پێكدادان لەنێوان ئەندامانی دوو بنەماڵە روویدا و بەهۆیەوە پێنج لە هەردوولا كوژران و 11 كەسی دیكەش بریندار بوون.
بەگوێرەی زانیارییەكان، شەڕەكە بەهۆی كێشەیەكی كۆمەڵایەتی لەنێوان دوو بنەماڵەكە دروستبووە، كە دانیشتووی یەك ناوچەن، لەئێستاشدا هێزێكی زۆری ئەمنیی گەیشتوونەتە ناحیەكە و فەرمانی دەستگیركردنیش بۆ چەند كەسێك دەرچووە كە هۆكاری دروستبوونی شەڕەكەن.