راچڵەکین-

ئاراس جەبار شارەزای کەشناسی بڵاویکردەوە: لە رۆژی چوارشەممەوە هەرێمی کوردستان ماوەیەکی درێژخایەن لەگەڵ شەپۆلەکانی سەرمادا بەڕێدەکات کە چەندین ساڵە وێنەی نەبووە.

ئاماژەی بەوەشکرد: یەکەم شەپۆل کە لە هەمان رۆژەوە دەستپێدەکات کاریگەری نزمە پاڵەپەستۆی جەمسەری باکوورە لە وڵاتانی ئەوروپاوە ناوچەکانمان دەگرێتەوە و کاریگەرییەکانی تا رۆژی یەکشەممەی هەفتەی داهاتوو بەردەوام دەبێت.

روونیشیکردەوە: دوابەدوای ئەوە پێشبینی دەکرێت لە رۆژی دووشەممەی داهاتووەوە، کاریگەری بەرزەپاڵەپەستۆی سیبیری لە رووسیاوە بۆ سەر باکووری ئێران و هەرێمی کوردستان درێژبێتەوە کە شەپۆلێکی وشکە سەرما لەگەڵ خۆیدا دەهێنێتە ناوچەکە و ئەگەری چالاکبوونی بای باکووری رۆژهەڵات و نزمبوونەوەی زیاتری پلەکانی گەرمای هەیە.