راچڵەكین-
باوكی ئەحمەد شەرع-ی سەرۆكی ڕاگوزەری سوریا دەڵێت، حكومەتی ئێستای دیمەشق دەیەوێـت هەموو پێكهاتەكانی گەلی سوریا كۆبكاتەوەو هەوڵی یەكێتی نیشتمانی دەدات.
حسێن شەرع، باوكی ئەحمەد شەرع لەچاوپێكەوتنێكی تەلەڤزیۆنیدا لەگەڵ كەناڵی ( المدن) دەڵێت، "من كەسێكی نەتەوەییم، حكومەتی ئێستای دیمەشق دەیەوێـت هەموو پێكهاتەكانی گەلی سوریا كۆبكاتەوەو هەوڵی یەكێتی نیشتمانی دەدات."
"ئەو جوڵانەوە یاخیانەی ئێستا كەلەسوریادا هەن، دەستی دەرەكیان لەپشتە، بەپشتیوانی ئیسرائیل و زلهێزەكان ژمارەیەك لەوڵاتانی عەرەبی، دەیانەوێت سوریا پارچە پارچە بكەن." باوكی ئەحمەد شەرع وادەڵێت.
حسێن شەرع، زیاتر قسە دەكات و دەڵێـت:" ئەو كاتەی بیری نەتەوایەتی عەرەبی لەسوریا بەهێزبوو، شتێك نەبوو بەناوی هەرێمایەتی و تائیفییەت، ئێمە عەرەبین."