راچڵەکین-
ئەمریکا و ئیسرائیل هێرشیان بۆ سەر وڵاتی ئێران دەستپێکرد و دوابەدوای هێرشەکانیش دۆناڵد ترەمپ وتارێکی پێشکەش کرد.
دۆناڵد ترەمپ سەرۆکی ویلایەتە یەکگرتووەکانی ئەمریکا لە وتارەکەیدا رایگەیاند: دەستمان بە ئۆپەراسیۆنێکی گەورە کردووە لەناو خاکی ئێران و ئامانج لەم ئۆپەراسیۆنە پاراستنی ئەمریکییەکانە، دەکرێت ژیانی ژمارەیەک لە سەربازانی ئەمریکی بکەوێتە مەترسییەوە، بەڵام ئەمە جەنگە و قوربانی تێدایە.
ئاماەی بەوەشكرد: چەندین دەیەیە رژێمی ئێران دروشمی "مەرگ بۆ ئەمریکا" دەڵێتەوە، تاران بەپرسیارە لە چەندین هێرش دژی بەرژەوەندییەکانی واشنتۆن لە ناوچەکە و چەندین هێرشی بۆ سەر ئامانجەکانمان ئەنجامداوە، رژێمی ئێران رژێمێکی تیرۆرستییە و هەرگیز دەستی بە چەکی ئەتۆمی ناگات، هەروەها بەرنامەی مووشەکی ئەو وڵاتە لەگەڵ زەوی یەکسان دەکەین.