راچڵەكین-

وەزارەیت پەروەردەی حكومەتی هەرێمی كوردستان ڕێكارەكانی وەرگرتنی منداڵانی لە دامەزراوە پەروەردەییەكان بۆ ساڵی خوێندنی 2026-2027 بڵاوكردەوە

رۆژی یەكشەممە 5ی تەمووزی 2026 وەزارەتی پەروەردە لەراگەیەندراوێكدا بڵاویكردووەتەوە، بۆ بەرژەوەندی گشتی و لە پێناو ئاسانكاری تۆماركردن، پێویستە گشت دامەزراوە پەروەردەییە حكومییەكان ڕەچاوی ئەم ڕێكارانە بكەن:

١- هەمان ڕێكارەكانی ساڵی خوێندنی (٢٠٢٥ - ٢٠٢٦) جێبەجێدەكرێت كە بە ژمارە (١٩٩) لە ڕێكەوتی ١٣ ی ٧ ی ٢٠٢٥، گشتاندنی پێكراوە.
٢- وەرگرتن لە باخچەی حكومی:
أ- قۆناغی یەكەم: بۆ ئەو منداڵانەیە ڕۆژی لەدایكبوونیان لە نێوان ١ ی ١ ی ٢٠٢٢ تا ٣١ ی ١٢ ی ٢٠٢٢ بێت.
ب- قۆناغی دووەم: بۆ ئەو منداڵانەیە ڕۆژی لەدایكبوونیان لە نێوان ١ ی ١ ی ٢٠٢١ تا ٣١ ی ١٢ ی ٢٠٢١ بێت.
٣- پۆلی یەكەمی بنەڕەتی: قوتابییانی لەدایكبووانی ١ ی ١ ی ٢٠٢٠ تا ٣١ ی ١٢ ی ٢٠٢٠.
٤- پڕۆسەكانی وەرگرتن لە باخچەی منداڵان و پۆلی یەكەمی بنەڕەتی و جیاكردنەوەی قوتابییانی دەرچووی پۆلی نۆیەم بەنوبەتی بۆ قۆناغی ئامادەیی لە ڕێكەوتی ١٥ ی ٧ ی ٢٠٢٦ دەستپێدەكات تا ڕێكەوتی ١٩ ی ٨ ی ٢٠٢٦.
٥- پێویستە تا ڕێكەوتی ٣٠ ی ٨ ی ٢٠٢٦ گشت هۆبەكانی پۆلەكان جیاكرابێتەوە و ناوی گشت منداڵان و قوتابییان و خوێندكاران لە سیستەمی (E-parwarda) تۆماركرابن و ٦ ی ٩ ی ٢٠٢٦ دوا مۆڵەتە بۆ دابەشكردنی بەشەوانەی مامۆستایان و تۆماركردنی خشتەی بەشەوانە لە سیستەم.
٦- وەرگرتن لە پەیمانگاكان بەگوێرەی ڕێنماییەكانی بەڕێوەبەرایەتی گشتیی پەیمانگاكان دەبێت جگه لە پەیمانگاكانی پیشەیی سیستەمی ئینگلیزی كە پێشكەشكردن بە شێوازی ئەلیكترۆنی دەبێت.