راچڵەكین -
سبەینێ هاتووچۆی گەشتیاریی و بازرگانی لە دەروازەی سەیران بەن بۆ ئێران، بۆماوەی یەك رۆژ رادەگیرێت، ئیدارەی دەروازەكە رایدەگەیەنێت، راگرتنەكە بەهۆی پشووی فەرمییە لە ئێران و رۆژی دووشەممە هاتووچۆكردن ئاسایی دەبێتەوە.
كۆمەڵگای دەروازەی سەیران بەن، لەڕاگەیەندراوێكدا سەرجەم گەشتیاران و بازرگان وشۆفێرانی ئاگاداركردووەتەوە كە سبەینێ یەكشەممە، 30ی ئابی 2026، بەهۆی ئەوەی لە كۆماری ئیسلامی پشووی فەرمییە، هاتووچۆی گەشتیاری و بازرگانی لە دەروازەكە بۆماوەی یەك رۆژ رادەگیرێت.
ئاماژە بەوەشكراوە، رۆژی دووشەممە، هاتوچۆی گەشتیاری و بازرگانی ئاسایی دەبێتەوە و دەروازەكە كراوە دەبێت.