راچڵەكین-
شاندی ئیمراڵیی پارتی یەكسانی و دیموكراسیی گەلان (دەم پارتی) بۆ ئەنجامدانی دیدار لەگەڵ عەبدوڵڵا ئۆجەلان، ڕێبەری زیندانیكراوی پارتی كرێكارانی كوردستان، ئاپۆ بەرەو دورگەی ئیمراڵیی بەڕێكەوتن.
نووسینگەی ڕۆژنامەوانیی دەم پارتی ڕۆژی یەكشەممە بڵاویكردەوە، شاندەكە پێكهاتوون لە پەرلەمانتارانی دەم پارتی، پەروین بوڵدان و مەدحەت سەنجەر، پارێزەر لە نووسینگەی یاسایی سەدە، فایەق ئۆزگور ئەرۆڵ.
كۆتا دیداری شاندی ناوبراو بۆ دوورگەی ئیمراڵی و كۆبوونەوەیان لەگەڵ ئۆجەلان لە 2ی ئابی ڕابردوودا بوو.