راچڵەكین
ئەنجومەنی نوێنەرانی عێراق دۆسیەی ئەو وەزیرانەی كابینەكەی عادل عەبدولمەهدی ئامادە دەكات كە تۆمەتبارن بە تێوەگلان لە گەندەڵی، جێگری سەرۆكی پەرلەمانیش رایدەگەیەنێت: لە رۆژانی داهاتوودا ئەو وەزیرانە ئەنجامی گەندەڵییەكانیان وەردەگرن.
حەسەن كەعبی جێگری یەكەمی سەرۆكی ئەنجومەنی نوێنەرانی عێراق رایگەیاند: دۆسییەی ئەو وەزیرانەی كابینەی پێشووی حكومەت ئامادەكراوە، كە تۆمەتبارن بە گەندەڵی و خراپ بەكارهێنانی دەسەڵاتەكانیان بۆ بەرژەوەندی تایبەتی.
وتیشی:" هیچ بەرپرسێكی گەندەڵ لە دەستی یاسا دەربازی نابێت و وەزیرە گەندەڵەكانیش لە رۆژانی داهاتوو سزای یاسایی پێویست دەدرێن و ئەنجامی گەندەڵەییەكانیشیان وەردەگرن.
جێگری یەكەمی سەرۆكی پەرلەمانی عێراق، بەبێ ئاماژەكردن بە ناوی ئەو وەزیرانەی حكومەتەكەی عادل عەبدولمەهدی، كە لە گەندەڵی تێوەگلاون، ئاشكرایكرد كە دۆسییەكانیان تەواو بووەو رادەستی دادگا دەكرێت.