له‌به‌ر ئه‌م هۆكاره‌ پۆپجی مۆبایل حه‌رام كرا

هەمەڕەنگ

پێش 4 هەفتە     ژمارەی بینراو 743

پۆپجی


ڕاچڵه‌كین-

سه‌نته‌ری ئه‌زهه‌ری جیهانی بۆ فتوای ئه‌لیكترۆنی له‌ میسر ئاشكرای كرد یاری" پۆپجی مۆبایل" حه‌رامه‌ دوای ئه‌وه‌ی‌ له‌ نوێترین ڤێرژنیدا ده‌ركه‌وتوه‌ یاریزانه‌كه‌ كڕنوش ده‌بات بۆ نه‌خشه‌یه‌ك پێی ده‌وترێت" سانهۆك"  و مه‌رجه‌ یاریزانه‌كه‌ كڕنوش بۆ ئه‌م نه‌خشه‌یه‌ ببات بۆ ئه‌وه‌ی‌ چه‌ك و پێویستی شه‌ڕكردنی ده‌ست بكه‌وێت.

له‌ فه‌تواكه‌دا هاتووه‌" مه‌ترسی ئه‌م یاریه‌ ته‌نها له‌سه‌ر كوشتن و ئازاردانی خود نه‌وه‌ستاوه‌ جگه‌ له‌وه‌ش زیان به‌ ئاینی گه‌نجه‌كان ده‌گه‌یه‌نێت و به‌م دواییانه‌ نوێترین ڤێرژنی ئه‌م یاریه‌ واده‌كات زیان به‌ ئاینی گه‌نجان بگه‌یه‌نێت به‌و مه‌به‌سته‌ی‌ ده‌ستكه‌وت له‌ناو یاریه‌كه‌ زیاد بكات"

ده‌شڵێت" گومانی تیایدا نییه‌ ئه‌م بابه‌ته‌ زۆر مه‌ترسیداره‌ و زۆرینه‌ی‌ ئه‌و كه‌سانه‌ی‌ ئه‌م یاریه‌ ده‌كه‌ن له‌ توێژی گه‌نجانن و به‌هۆی ئه‌م یاریه‌وه‌ ئه‌م توێژه‌ له‌ دین دوور ده‌خرێنه‌وه‌ له‌به‌ر ئه‌وه‌ ئه‌م یاریه‌ حه‌رامه‌"

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن