راچڵەكین
لیژنەی باڵای تەندروستی و سەلامەتی نیشتمانیی عێراق بڕیاریدا لە سبەینێوە بۆ ماوەی سێ رۆژ قەدەغەی هاتووچۆی تەواوەتی لەسەرانسەری وڵات رابگەیەنێت.
د. جاسم ئەلفەلاحی، ئەندامی لیژنەی باڵای تەندروستی و سەلامەتی نیشتمانیی عێراق رایگەیاند: لەچوارچێوەی رێكارەكانی خۆپارێزی بۆ بەرگرتن لە بڵاوبوونەوەی زیاتری ڤایرۆیس كۆرۆنا، بڕیاردرا لەسبەینێوە پێنجشەممە، تا رۆژی شەممەی داهاتوو 11-7-2020، قەدەغەی هاتووچۆی تەواوەتی لەشارەكانی عێراقدا رابگەیەنرێت.
وتیشی:" لەچەند رۆژی رابردوودا قەدەغەی هاتووچۆ بەجۆرێك ئاسانكاری پەیڕەو كرا، بەڵام لە سێ رۆژی داهاتوودا قەدەغەی تەواوەتی دەبێت".
ئەندامەكەی لیژنەی باڵای تەندروستی و سەلامەتی نیشتمانیی عێراق، ئاماژەی بەوەشكرد، بڕیارەكە لەسەر داواكاری لیژنە تایبەتەكەی سەر بە وەزارەتی تەندروستی بووە، ئەوەش بەهۆی بەرزبوونەوەی ژمارەی توشبووانی كۆرۆنا.