راچڵەكین-

سەلاحەددین دەمیرتاش، هاوسەرۆكی پێشووتری پارتی دیموكراتی گەلان HDP دەڵێت: "لە شوێنی قسەكردن لەسەر ئاكپارتی، كاتی ئەوە هاتووە قسە لەسەر داهاتوو بكەین". 
 
دەمیرتاش لە هەژماری تایبەتی خۆی لە تۆڕی كۆمەڵایەتیی توویتەر پەیامێكی بڵاوكردووەتەوە و داوا لە ئۆپۆزیسیۆن، میدیا، كەسانی ئەكادیمی و رێكخراوەكانی كۆمەڵگەی مەدەنی دەكات تێكەڵ بە خەڵك بن. 
 
دەمیرتاش كە لە 4ی تشرینی دووەمی 2016 ـەوە لە گرتووخانەی ئەدیرنە بەندكراوە، لە توویتەكەیدا نووسیویەتی، "لەپێناو گەیشتن بە دیموكراسی، مەرجە لەنێو پەرلەمان و دەرەوەی پەرلەمان خەباتێكی كاریگەر ئەنجامبدرێت، بەبێ جیاوازیكردن لەنێوان، تورك و كورد ، عەلەوی و سووننی، عەلمانی و كۆنسەرڤاتیڤ، نابێت خۆمان بەدووربگرین لەوەی لەپاڵ یەكدی بووەستین و پێكەوە ببینرێین". 
 
دەمیرتاش دەڵێت "توركیا بۆ هەموومانە، هەموومان پێكەوە توركیاین، پێویستە پێكەوە وڵات بەڕێوەببەین و پێكەوە بونیادی بنێین، لە رێگەی دژایەتیكردنی ئاكپارتییەوە ناتوانین داهاتوو بونیادبنێین، لە شوێنی قسەكردن لەسەر ئاكپارتی، كاتی ئەوە هاتووە قسە لەسەر داهاتوو بكەن". هەروەها دەڵێت: "ئاكپارتی لە یەكەم هەڵبژاردندا دەدۆڕێت، لەم نێوەندەدا كۆبوونەوە لەسەر بنەماكانی دیموكراسییەت و پێكهێنانی ئەلتەرناتیڤێكی بەهێز كە جێگەی متمانەی كۆمەڵگە بێت، ئەركێكی مێژوویی ئۆپۆزیسیۆنە." 

 

 

3- Sırf AKP karşıtlığı üzerinden gelecek inşa edilemez. Artık AKP’yi değil, geleceği konuşmanın zamanıdır. AKP ilk seçimde kaybedecektir. Ancak bu sırada, demokrasi ilkeleri etrafında topluma güven veren güçlü bir alternatifini ortaya çıkarmak, muhalefetin tarihi sorumluluğudur.

— Selahattin Demirtaş (@hdpdemirtas) July 8, 2020

 

س- رووداو