راچڵەكین
هاوسەرۆكی یەكێتیی نیشتمانیی كوردستان بڕیاریدا مووچەی شەش مانگی تەواوی ستافی نەخۆشخانەی قەڵای تایبەت بە كۆرۆنا لە قەزای كەلار دابین بكات.
د.سیروان محەمەد، بەڕێوەبەری گشتی تەندروستی گەرمیان، رایگەیاند: هەر ئێستا لەلایەن د. میران محەمەد، ئەندامی مەكتەبی سیاسی یەكێتییەوە پێمان راگەیەندرا، مووچەی شەش مانگی تەواوی ستافی نەخۆشخانەی قەڵا بەسەرجەم پزیشكان و كارمەند و فەرمانبەرانەوە لەلایەن هاوسەرۆكی یەكێتیی نیشتمانیی كوردستانەوە دابینكرا.
بەڕێوەبەری گشتی تەندروستی گەرمیان بەبێ ئاماژەكردن بەوەی كام هاوسەرۆكی یەكێتی مووچەكانی دابینكردووە، سوپاسی ئەو بەدەنگەوەهاتنەی كردووەو راشیگەیاند: بە یەكدەنگی بەسەركۆرۆنادا سەردەكەوین.