راچڵەكین-
لەدوو رووداوی هاتوچۆدا لە پاكستان و نایجیریا زیاتر لە 50 كەس گیانیان لەدەستداو سەروو 50 كەسی تر برینداربوون.
لە هەرێمی سیند باشووری پاكستان، شەمەندەفەرێك لە رێڕەوی خۆی لایدا و بەپێی ئامارە بەراییەكان لە رووداوەكەدا، ٣٠ كەس گیانیان لەدەستداوە و ٥٠ی دیكەش برینداربوون.
بەرپرسانی ناوچەكە باسیان لەوەكرد، لە ناوچەی گۆتك، شەمەندەفەرەكە لە رێڕەوی خۆی دەرچووە و خۆی كێشاوە بە شەمەندەفەری بەرامبەردا.
بەپێی ئامارە بەراییەكان، رووداوەكە گیانلەدەستدانی ٣٠ كەس و برینداربوونی ٥٠ی دیكەی لێكەوتووەتەوە و كارەكانی گەڕان و رزگاركردنیش درێژەیان هەیە.
لەلایەكی ترەوە، لە ئاكامی پێكدادانی پاسێكی نەفەر هەڵگر و ئۆتۆمبێلێكدا لە ویلایەتی كانۆ باكووری نایجیریا، ٢٠ كەس گیانیان لەدەستدا.
ساموێل ئاروان ، بەرپرسی ئاسایشی ناوخۆی ویلایەتی كادونا ناوەڕاستی نایجیریا، لە لێدوانێكی رۆژنامەوانییدا ئاماژەی بەوە كرد، پاسێكی نەفەر هەڵگر لە ناوچەی كاوران والی لەسەر رێگای وشكانی كانۆ-زاریا لەگەڵ ئۆتۆمبێلێكدا بەیەكیانداداوە.
ساموێل ئاروان باسی لەوە كرد،بەپێی ئامارە بەراییەكان لە رووداوەكەدا، ٢٠ كەس گیانیان لەدەستداوە و ژمارەیەكی زۆریش برینداربوون.
وتیشی، برینداران گەیەندراونەتە نەخۆشخانە و برینی هەندێكیان سەختە و نیگەرانی هەیە لەبارەی بەرزبوونەوەی ژمارەی قوربانییان.