راچڵەكین –

بەهۆی پابەندنەبوون بەمەرج و رێنماییەكانی كاركردن، گەسی شكار لەلایەن لیژنە هاوبەشەكانی قائیمقامیەتی سلێمانییەوە دادەخرێت.

قائیمقامیەتی سلێمانی لە راگەیەندراوێكدا بڵاویكردەوە، ئەمڕۆ پێنجشەممە، لیژنە هاوبەشەكانی قائیمقامیەت، لەبەردەوامیی هەڵمەتەكانیان، سەردانی گەسی شكار-یان لە گەڕەكی زەرگەتە كردو بەهۆی پابەندنەبوونی بەمەرجەكانی تەندروستی و ڤێتێرنەری و رێنماییەكانی دیكەی كاركردن، بڕیاری داخستنی درا.

لە راگەیەندراوەكەدا ئاماژە بەوەكراوە، هەڵمەتی لیژنە هاوبەشەكانی قائیمقامیەتی سلێمانی بەردەوام دەبێت و سەرپێچیكارانیش رووبەڕوی رێكاری یاسایی دەكاتەوە.