رێباز مامۆستا زانا
4 کاتژمێر پێش ئێستا
ئەمساڵ ڕێژەی دەرنەچوونی خوێندكاران لە چەند وانەیەك بووەتە دیاردەیەكی مەترسیدار. بۆ ڕزگاركردنی نەوەكەمان، پێویستە كار لەسەر ئەم سێگۆشەیە بكرێت:
١. ماڵەوە (خێزان)
- كۆتاییهێنان بە جەنگی مۆبایل: نابێت خوێندكار ٢٤ كاتژمێر لەناو سۆشیاڵ میدیا و یاری بێت.
- بەدواداچوون: دایك و باوك نابێت تەنها لە كۆتایی ساڵ بپرسن، دەبێت مانگانە لە ئاستی منداڵەكەیان لایەنی زانستی و پەروەردەیی بكۆڵنەوە.
٢. خوێندنگە و مامۆستا:
- گۆڕینی شێواز: وانەوتنەوەی كۆن (تەڵقین) چیتر كارا نییە. دەبێت تەكنەلۆژیا و هاندانی دەروونی تێكەڵی وانەكان بكرێت.
- تێگەیشتن نەك لەبەركردن: فێری خوێندكار بكرێت چۆن بیربكاتەوە، نەك تەنها مەلزەمە لەبەر بكات بۆ نمرە.
٣. سیستەم و حكومەت:
- چاكسازی لە مەنهەج: كەمكردنەوەی لۆدی زانیاری بێسوود و گرنگیدان بەو زانستانەی لە بازاڕی كاردا سوودیان هەیە.
- دروستكردنی ئومێد: كاتێك خوێندكار هەست بكات داهاتووی بەستراوەتەوە بە لێهاتووییەكەی، زیاتر هەوڵ دەدات.
كورتەی قسە: خوێندن تەنها بۆ وەرگرتنی بڕوانامە نییە، بەڵكو بۆ دروستكردنی نەوەیەكی هۆشیارە. ئەگەر ئەمڕۆ فریایان نەكەوین، سبەی كۆمەڵگەیەكی بێبەرهەممان دەبێت.