راچڵەکین-
جێگری سەرۆکی حکومەتی هەرێمی کوردستان رایگەیاند، لە پێناو سەرکەوتن بەسەر تیرۆر و ریشەکێشکردنیدا پێویستە هەوڵەكانیان یەك بخەن و ناكۆكییەكانمان وەلا بنێن.
قوباد تاڵەبانی، لە هەژماری تایبەتی خۆی لە تۆڕی کۆمەڵایەتی فەیسبووک بڵاویکردووەتەوە:" بەتوندی ئیدانەی ئەو كارە تیرۆریستییە دەكەین كە سەر لەبەیانی ئەمڕۆ لەبەغدا، ژمارەیەك خەڵكی سڤیلی كردە ئامانج و بوو بەهۆی شەهیدكردن و برینداركردنی كۆمەڵێك هاووڵاتی".
دەشڵێت:" ئەم تاوانەی ئەمڕۆ كە ناوبەناو دووبارە دەبنەوە، بەڵگەن لەسەر ئەوەی تیرۆر هەر ماوە، ئەوەشمان بیر دەخاتەوە كە پێویستە هەموولا یەكدەنگ بین و هەوڵەكانمان یەك بخەین و ناكۆكییەكانمان وەلا بنێین، لەپێناو سەركەوتن بەسەریدا و ڕیشەكێشكردنی، تا هەموو عێراقییەكان هەست بەئارامی بكەن".
دوو تەقینەوەی بەهێز لە ناوەراستی بەغدای پایتەخت روویانداو بەهۆیانەوە زیاتر لە 140 كەس بوونە قوربانی.