راچڵەكین-
كۆمسیۆنی باڵای سەربەخۆی هەڵبژاردنەكانی عیراق، مۆڵەتی فەرمی دا بە "هاوپەیمانی كوردستان" كە هاوپەیمانێتی نێوان یەكێتی نیشتمانی كوردستان و بزووتنەوەی گۆڕانە، بۆ بەشداریكردن لەهەڵبژاردنی ئەنجوومەنی نوێنەرانی عیراق.
دەرباز محەمەد، ئەندامی خانەی راپەڕاندنی بزوتنەوەی گۆڕان مۆڵەتی بەشداریكردنی " هاوپەیمانی كوردستان"ی لە كۆمسیۆنی باڵای هەڵبژاردنەكانی عێراق وەرگرتووە.
سەرەڕای راگەیاندنی "هاوپەیمانی كوردستان" لەنێوان یەكێتی و گۆڕان، بەڵام وردەكاری ئەم هاوپەیمانێتییە هێشتا شاراوەیەو هەردوو حزب هیچ زانیارییەكی ئەوتۆیان بۆ رای گشتی نەدركاندووە، لەناو یەكێتیش ناڕەزایەتی هەیە سەبارەت بە رێككەوتنەكە.