راچڵەكین-
زینەدین زیدان، راهێنەری یانەی ریال مەدرید، یانەی شاهانەی جێهێشت، لەئێستاشدا چەند راهێنەرێك ناویان دەهێندرێت بۆ جێگرتنەوەی زیزۆ.
یانەی ریاڵ مەدرید لە تویتێكدا بڵاویكردووەتەوە:" زیندین زیدان بڕیاری داوه كۆتایی به راهێنەرایەتی یانەكە بێنێت."
دەشڵێت:" دەبێت ئێستا رێز لە بڕیارەكەی بگیرێت و سوپاسگوزاریی خۆمان بۆ پیشەگەریی و خۆتەرخانكردن و سۆزەكەی بە درێژای ئەو چەند ساڵە و مەبەستی لە ریاڵ مەدرید دەرببڕین ."
یانەی ریاڵ وتوشبەتی،" زیدان یەكێكە لە ئایكۆنەكانی گەورەی ڕیاڵ مەدرید و میراتەكەی درێژ دەبێتەوە لەودیو ئەوەی كە وەك راهێنەر و یاریزانێك لە یانەكەمان بەدەستی هێناون".
میدیای ئیسپانیا ناوی چەند راهێنەرێكی بۆ وەرگرتنی راهێنەرایەتی ریال مەدرید بڵاوكردووەتەوە، لەوانەش ماسیمیلیانۆ ئالێگری، ئەنتۆنیۆ كۆنتی و رائول گۆنزالێس.