له‌كۆرۆنا ترسا و به‌ ده‌رمانی مه‌لاریا مرد

تەندروستی

پێش 2 هەفتە     ژمارەی بینراو 488

ده‌رمانی مه‌لاریا

ڕاچڵه‌كین-
پیاوێك له‌گه‌ڵ هاوسه‌ره‌كه‌ی‌ له‌ ویلایه‌تی ئه‌ریزۆنا له‌ ئه‌مه‌ریكا دوای به‌كارهێنانی مادده‌ی‌ "فۆسفات كلۆرۆكین" كه‌ پێیان وابووه‌ ده‌یان پارێزێت له‌ توشبوون به‌ ڤایرۆسی كۆرۆنای نوێ و به‌هۆیه‌وه‌ پیاوه‌كه‌ گیانی له‌ده‌ستداوه‌ و له‌ ئێستادا ئافره‌ته‌كه‌ له‌ چاودێری ورده‌.

ئافره‌ته‌كه‌ له‌ دیمانه‌یه‌كی بۆ نۆڕی "ئێن بی سی" هه‌واڵی باسی له‌وه‌ كردوه‌ ڕاپۆرتێكی ته‌له‌فیزۆنی بینیوه‌ و تیایدا سه‌رۆكی وڵاته‌ یه‌كگرتوه‌كانی ئه‌مه‌ریكا"دۆناڵد تره‌مپ"  باسی له‌ سووده‌كانی به‌كارهێنانی ده‌رمانی "مه‌لاریا" كردوه‌ بۆ چاره‌سه‌ری توشبووانی ڤایرۆسی كۆرۆنا .

ئه‌م دوو هاوسه‌ره‌ ته‌مه‌ن 60 ساڵه‌ دوای ئه‌وه‌ی‌ پاكه‌تی ده‌رمانه‌كه‌ له‌ ماڵه‌كه‌یاندا هه‌بووه‌ هه‌ردوكیان به‌ یه‌كه‌وه‌ بڕێكی كه‌میان تێكه‌ڵاوی ئاو كردوه‌ و خواردویانه‌ته‌وه‌ بۆ ئه‌وه‌ی‌ توشی ڤایرۆسی كۆرۆنا نه‌بن.

ته‌نها دوای 20 خوله‌ك له‌ خواردنه‌وه‌ی‌ ئه‌م گیراوه‌یه‌ هه‌ردوو هاوسه‌ره‌كه‌ نه‌خۆش كه‌وتوون و توشی "سه‌رگێژخواردن و تا لێهاتن و دواتر ڕشانه‌وه‌ و هێڵنجدان و هه‌ناسه‌ توندی  بوون و بۆ ئه‌وه‌ش داوای هاوكاری ئۆتۆمبێلی فریاكه‌وتنیان كردوه‌ و ته‌نها دوای ماوه‌یه‌كی كه‌م له‌ گه‌یشتن به‌ نه‌خۆشخانه‌ پیاوه‌كه‌ مردوه‌ و ئافره‌ته‌كه‌ش خراوه‌ته‌ ژووری چاودێری چڕ.

ئه‌م دوو هاوسه‌ره‌ مادده‌ی‌" فۆسفات كلۆرۆكین" یان به‌كارهێناوه‌ و ئه‌م خانمه‌ داوا له‌ هه‌موو لایه‌ك ده‌كات به‌ هیچ شێوه‌یه‌ك سه‌ربه‌خۆ هیچ جۆره‌ ده‌رمانێك به‌كار نه‌هێنن.

تا ئێستا له‌ وڵاته‌ یه‌كگرتوه‌كانی ئه‌مه‌ریكا ژماره‌ی‌ توشبووان به‌ ڤایرۆسی كۆرۆنا گه‌یشتۆته‌ 46000 كه‌س و 582 كه‌س به‌هۆیه‌وه‌ گیانیان له‌ده‌ستداوه‌.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن