ڕاچڵەكین- كامەران كەریم

بەڕێوەبەری گشتی تەندروستی هەڵەبجە ئاشكرای دەكات، سەرجەم ئەو پشكنینانەی بۆ ڤایرۆسی كۆرۆنا لەو پارێزگایە ئەنجامدراون، نەرێنی بوون و هیچ هەڵگرێكی ڤایرۆسی كۆرۆنا لەناوشاردا نیە.

د.ئازاد موستەفا، بەڕێوەبەری گشتی تەندروستی لە پارێزگای هەڵەبجە، ئەمڕۆ هەیینی 27-3-2020 بە ڕاچڵەكین- ی ڕاگەیاند:" لە رۆژانی رابردوو پشكنینی تایبەت بە ڤایرۆسی  كۆرۆنا لە ناو شار بە شێوەیەكی رێكنەخراو و بەش بەش لە خاوەنی سوپەرماركێتەكان و نانەواكان وتەنانەت وەستاكانی ناو نەخۆشخانەی كۆرۆنا  لە هەڵەبجە، ئەنجامدراوە."

وتیشی:" سوپاس بۆ خوا سەرجەمیان نەرێنی دەرچوون واتە لە ناو شاریش هیچ هەڵگرێك  نیە."

بەڕێوەبەری تەندروستی هەڵەبجە ووتیشی:" بەڵام هێشتا مەترسی ماوە لە رۆژانی داهاتوو بە دوای گومانلێكراوی تردا دەگەرێین لەو كەسانەی زیاترین بەركەوتنیان هەیە لەگەڵ خەڵك تكایە باهاوڵاتیان لەماڵ بمێننەوە."