راچڵەکین -
کرمی (Echinoccoccus) دەتوانێت مرۆڤ تووشی کیسی ئاوی سەر جگەر، سییەکان
یان ئەندامی تری وەک ماسوولکە و ئێسقانەکانیش بکات، ئەم کرمە لە بنەڕەتدا لە گیانەوەری
وەک (سەگ، ڕێوی یان مەڕ و بزن) گەشە دەکەن.
ئەم گیانلەبەرانە هێلکەی کرمەکە لەگەڵ
پیسایی دەکەنە دەرەوە و بەهۆی پیس بوونی خواردەمەنی وەک سەوزە و میوە بە هێلکەی
کرمەکە یان ژینگەی دەوروبەر مرۆڤ توش دەکەن.
کیسەکە دەکرێت یەک دانە بێت و گەورە
بێت یان چەنەها کیسی بچوکیشی لەگەڵ بێت، لەسەر جگەری مرۆڤ یان بەشەکانی تر دروست دەکات
و دەبنە هۆی ناڕەحەتی بۆ کەسی توشبوو.
*نیشانەکانی
- بەگشتی نیشانەی زۆری نییە بەتایبەتی
لە سەرەتای تووش بوون، لەوانەیە نەخۆشەکە هەست بە بێ هێزی و کەمی ئارەزووی خواردن
بکات.
- بوونی ئازار، ڕشانەوە، خراپی
کرداری هەرس و تەنگەنەفەسی بەپێی شوێنی کیسەکە دەگۆڕێت
*چارەسەر
- هەندێک جار ئەگەر کیسەکە بچووک بێت
و نەخۆشەکە باش بێت، دەتوانرێت بەپێدانی جۆرە حەبێک لەگەڵ چاودێری بەردەوام چارەسەر
بکرێت.
- بەڵام بەگشتی پێویستی بە نەشتەرگەرییە
بەتایبەتی ئەگەر کیسەکان گەورەبن کە هەندێک جار قەبارەیان دەگاتە ١٠سم، وە لەڕێی
نازوورەوە دەکرێت ئەنجام بدرێت بەبێ هەڵدڕینی سک.
*خۆپاراستن
- شوشتنەوەی سەوزە و میوە زۆر بە
باشی، وەک شوشتنەوەی کاهوو بە خوێ
- خۆپاراستن لەکاتی مامەڵەکردن
لەگەڵ سەگ و مەڕ ئەگەر لەنزیکت هەبێت
- دەست شوشتن پێش نان خواردن بەتایبەت
لە مناڵاندا
- پێنەدانی گۆشتی نەکوڵاو وەک هی
مەڕ بە سەگ
- مرۆڤ لەڕێگەی خواردنی گۆشتی
توشبوو، تووشی ئەم کرمە نابێت
- ئەم نەخۆشییە لە مرۆڤ بۆ مرۆڤ
ناگوازرێتەوە
ئەژین هاشم علی، پسپۆڕی نەشتەرگەری
گشتی