کەشناسی هۆشداری دەداتە هاووڵاتییان: لە شوێنە بەرزەکان دووربکەونەوە

کوردستان

19/03/2023     ژمارەی بینراو 714

راچڵەکین –
کەشناسی هەرێمی کوردستان پێشبینی بۆ کەشوهەوای رۆژی نەورۆز و پشووەکان رادەگەیەنێت و داواش لە هاووڵاتییان دەکات بۆ خۆپاراستن لە مەترسییەکانی هەورە تریشقە لە شوێنە بەرزەکان دووربکەونەوە.

ئێوارەی ئەمڕۆ یەکشەممە، بەشی پێشبینی لە وەزارەتی گواستنەوە و گەیاندنی هەرێمی کوردستان بڵاویکردەوە، چەند رۆژێك کەشوهەوا لە ناوچەکەمان ناجێگیرد دەبێت و پێشبینی دەکرێت دوای نیوەڕۆی سبەینێ دووشەممە، باران ببارێت لەگەڵ دروستبوونى هەورە تریشقە.

سەبارەت بە ڕۆژى نەورۆزیش روونیکردەوە کە لە ئەنجامى بەردەوامى ئەو کەشە  ناسەقامگیریەى هەیە ئاسمانى ناوچەکەمان هەور و کەمێک سارد دەبێت و بەگشتى کاتى دابارینیش دەکەوێتە دواى نیوەڕۆ، لەگەڵ نزم بوونەوەى پلەکانى گەرما ئەگەرى تەزرە بارین و دروست بوونى هەورە تریشقە هەیە.

بەشی پێشبینی ئەوەشیخستەڕوو کە رۆژی پێنجشەممە، پێشبینى بۆ دابارین کەمترە بە بەراورد بە رۆژانى پێشووتر و  ئەگەرى باران زیاتر لەسەر بەشێک لە ناوچە شاخاوییەکان دەبێت.

راشیگەیاندووە: کە بە هۆی کەشە ناسەقامگیرەکەوە ئەگەری هەورە تریشقە هەیە و بۆیە داوا لە هاووڵاتییان دەکات لە پێناو سەلامەتی خۆیاندا لە شوێنە بەرزەکان و ناوچە شاخاوییە بەرزەکان دووربکەونەوە.

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن