راچڵەكین ـ
دوابەدوای بڵاوبوونەوەی ڕاپۆرتە كەشناسییەكان سەبارەت بە هاتنی شەپۆلێكی بەفر و سەرما بۆ سەر ناوچەكانی عیراق، شارەزایەكی كەشناسی هۆشداری بە حكومەت دەدات و دەڵێت" پێویستە ئەم سێ ڕۆژە بكرێتە پشوو".
نائل عەلی، پسپۆڕی كەشناسی عیراق لە بەیاننامەیەكدا ئاماژەی بەوەكردووە، پێویستە لەسەر وەزارەتی پەروەردە بەتایبەتی و حكومەت بە گشتی دەوام لە خوێندنگەكان ڕابگرێت بەلانی كەمەوە تا كاتژمێر 10ی بەیانی یان هەر سێ ڕۆژی دووشەممە و سێشەممە و چوارشەممە بكاتە پشووی فەرمی.
ڕاشیگەیاندووە، وڵاتانی عەرەبی دراوسێمانی بەهۆی دۆخی كەشوهەواوە ئەو بڕیارەیان داوە لەكاتێكدا ئەوان خوێندنگەی نمونەیی و هۆكاری گواستنەوەی پێشكەوتوویان هەیە جا چ جای خوێندنگە و فەرمانگەكانی خۆمان.