راچڵەكین -
لەسنووری قەزای شنگال تەرمی ژن و مێردێك لەماڵەكەی خۆیان دۆزرانەوە، پۆلیسی ناوچەكەش رایدەگەیەنێت، تائێستا هۆكاری رووداوەكە نەزانراوە.
ماڵپەڕی شەفەق نیوز، لە سەرچاوەیەكی ئەمنییەوە بڵاویكردەوە، پۆلیسی قەزای سنجار تەرمی ژن و مێردێكی لەماڵەكەی خۆیان لەنێوان كۆمەڵگەی خانسۆر و چیای شنگال، دۆزییەوە كە لە رووداوێكی تەمومژاویدا كوژراون.
لێكۆڵینەوە لە رووداوەكە دەستی پێكردووەو هەردوو تەرمەكەش رەوانەی پزیشكی دادی كراون بەمەبەستی زانینی هۆكاری گیانلەدەستدانیان.
بەوتەی پۆلیسی قەزای شنگال، تائێستا هۆكاری كوژرانی ئەو ژن و مێردە نەزانراوەو هیچ كەسێكیش بەتۆمەتی ئەنجامدانی تاوانەكە دەستگیر نەكراوە.