راچڵەكین-
پرۆسەی دابەشكردنی مووچەی مانگی شوباتی 2024ی فەرمانبەرانی هەرێمی كوردستان بەردەوامە و ئەمڕۆش مووچەی چەند شوێن و وەزارەتێك دابەش دەكرێت.
بە پێی خشتەی وەزارەتی دارایی و ئابووری، ئەمڕۆ سێشەممە، مووچەی مانگی شوباتی ئەم وەزارەتانە دابەش دەكرێت؛ وەزارەتی كارەبا، وەزارەتی خوێندنی باڵا و توێژینەوەی زانستی، وەزارەتی كاروباری شەهیدان و ئەنفالكراوان.
هەر بەپێی خشتەكە، ئەمڕۆ كەسوكاری شەهیدان و ئەنفالكراوان، زیندانە سیاسیەكان و خانەنشینی پێشمەرگەش مووچەی مانگی دوو وەردەگرن.
بڕیارە سبەینێ چوارشەممە، مووچەی سەرۆكایەتییەكانی پەرلەمان و ئەنجومەنی وەزیران دابەش بكرێت.