راچڵەکین-
کەشناسیی هەرێم پێشبینییەکانی کەشوهەوای ئەمڕۆ و سبەی ئاشکرا کرد و دەڵێت، سبەی ئاسمان ساماڵ دەبێت و پکانی گەرما بە گشتی نزمتر دەبنەوە و لە ناوچە شاخاوییەکان بۆ ژێر سفری سیلیزی دادەبەزن.
کەشناسیی هەرێم رایگەیاندووە، ئەمڕۆ چوارشەممە، ئاسمان بە گشتی نیمچەهەور دەبێت و سەنتەری پارێزگاکان و سەرجەم ناوچە جیا جیاکانی تر تاوەکو کاتەکانی دوای نیوەڕۆ ئەگەری باران بارینی پچڕپچڕی هەیە، ئێوارە کەشەکە جێگیر دەبێت و کاریگەری ئەم شەپۆلە بارانبارینەی رووی لە هەرێم کردبوو کۆتای دێت، ئاسمان بۆ ساماڵ دەگۆرێت.
ئەوەش هاتووە، ئەمڕۆ لەسەر ناوچە شاخاوییە سنوورییەکان بەفر دەبارێت و لە لوتکەی شاخە بەرزەکان بەفرێکی کەم دەبێت.
کەشناسیی هەرێم ئاماژەی بەوەشکردووە، سبەی پێنجشەممە، ئاسمان ساماڵ دەبێت و کەش سارد دەبێت، نزمترین پلەکانی گەرما نزم دەبێتەوە بەنزیکەی بۆ ٢ بۆ ٥ پلەی سیلیزی و لە ناوچە شاخاوییە سنوورییەکان نزیک دەبێتەوە لە "سفر" پلەی سیلیزی و هەندێک ناوچە بۆ ژێر(سفر)ی پلەی سیلیزی.
بەرزترین پلەکانی گەرمای پێشبینیکراو بە پلەی سیلیزی:
هەولێر : ١٣ پلەى سیلیزى
سلێمانی : ١١ پلەى سیلیزى
دهۆک : ١٠ پلەى سیلیزى
کەرکوک : ١٧ پلەى سیلیزى
هەڵەبجە : ١٢ پلەى سیلیزى
زاخۆ : ١٢ پلەى سیلیزى
حاجی ئۆمەران : ٢ پلەى سیلیزى
سۆران : ١٠ پلەى سیلیزى
گەرمیان : ٢٠ پلەى سیلیزى
هـ . یـ