ڕاچڵەکین سپۆرت -

 

ڤینیسیۆس جونیۆری بەڕازیلی، یاریزانی باڵی یانەی ڕیال مەدرید، بە گۆڤاری جی کیو ڕایگەیاند، تا ئێستا هەموو خەونەکانی بەدی نەهێناوە، هەروەها کار لەسەر ئەوە دەکات کە لە ماوەی داهاتوودا زیاتر خەونەکانی بەدی بهێنێت.

ڤینیسیۆس وتیشی، "زۆرێک لە خەونەکانم بەدەستهێناوە، بەڵام هەموو ئەو شتانەم بەدەست نەهێناوە کە خەونم پێوەی بینیوە، دەمەوێت نازناوی زیاتر لەگەڵ یانەکەدا بەدەستبهێنم، لە هەمان کاتدا گەورەترین پاڵەوانێتییەکان لەگەڵ هەڵبژاردەکەمدا ببەمەوە، و بەردەوام بم لە ئیلهامبەخشین بە نەوەی داهاتووی یاریزانەکان بۆ ئەوەی باوەڕیان بە خۆیان هەبێت".

یاریزانەکە ئاماژەی بەوەشکرد، گەورەترین خەونم ئەوەیە میراتێک بەجێبهێڵم کە لە تۆپی پێ تێدەپەڕێت، کارێکی زۆرم هەیە بۆ باشترکردنی خوێندن لە بەرازیل لەڕێگەی دامەزراوەکەمەوە.

ڤینیسیۆس لە درێژەی قسەکانیدا وتی "توانای پاڵنەرێک بۆ هەر کەسێک یان دروستکردنی پاڵنەرێکی ئەرێنی بۆیان بۆ من مانای جیهانە، من بەرپرسیارێتیم هەیە کە ببمە نمونەیەک، چونکە ئەوە هەڵوێستێکی دروستی دەوێت، هەمیشە هەوڵدەدەم خۆبەزلزان بم و سەرنجم لەسەر بێت، هەمیشە لەبیرم بێت کە لە کوێوە هاتوومەتە دەرەوە، و لە کۆتاییدا دەمەوێت نیشانی خەڵک بدەم کە هەموو شتێک بە ڕێز و ماندووبوون مومکینە".

سەبارەت بە نمونەی خۆی، وتی "کریستیانۆ ڕۆناڵدۆ ئیلهامبەخشی من بووە بە کارە سەرسوڕهێنەرەکەی و خۆبەخشی بەردەوام، ئەو هەرگیز لە هەوڵدان بۆ باشتربوون ناوەستێت، هەروەها چاوم لە لێبرۆن جەیمسیشبوو، لەگەڵ ئەوەی کە بۆ کۆمەڵگاکەی کردوویەتی، ئەمەش ئەوە دەسەلمێنێت کە گەورەیی لە ئاستدا تێدەپەڕێت، وە بێگومان ئەفسانەی وڵاتەکەم هەن: ڕۆناڵدۆ و ڕۆناڵدینهۆ و نەیمار".