راچڵەكین-
حكومەتی هەرێم رێنمایی هاووڵاتیان دەكات لە كاتی مەلەكردندا هێلەكی تایبەت بە مەلەوانی بەكاربهێنن.
دەستەی پاراستن و چاككردنی ژینگەی حكومەتی هەرێم بە چەند خاڵێك رێنمایی هاووڵاتیان دەكات، كە لە دەرەوەی مەلەوانگەكان مەلەدەكەن و دەڵێت:" پێویستە مەلەكردن لە رۆژدا بێت و لە تاریكیدا رێگەپێدراو نییە."
ئەوەش روونكراوەتەوە:" باشترە لە كاتی مەلەكردن دەوروبەرت خەڵكی لێبێت و قەرەباڵەغ بێت و تەنیا نەبیت، هەروەها هێلەكی تایبەتی مەلەوانی بەكاربهێنیت."
دەستەی پاراستن و چاككردنی ژینگەی حكومەتی هەرێم ئاماژەی بەوەكردووە:" مەلەكردن لە رووبار و بەنداوەكان جیاوازە لەگەڵ مەلەوانگەكان، بۆیە پێویستە ئەو شوێنەی مەلەی لێدەكەیت لەگەڵ تواناكاندا بگونجێت."