راچڵەكین-

وەزارەتی پێشمەرگەی حكومەتی هەرێمی كوردستان وادەی دابەشكردنی هاوكاری هاوپەیمانان بەسەر هێزەكانی پێشمەرگە ئاشكرا دەكات.

وەزارەتی پێشمەرگە لەراگەیەندراوێكدا ئاماژەی بەوەكردووە:" ئەمڕۆ ٣ی ئەیلولی ٢٠٢٥ هاوكاریی دارایی هاوپەیمانان بۆ مانگی(٨) تەمویلی وەزارەتی پێشمەرگە كرا، لەلایەن بەریوەبەرایەتی گشتی بوودجە و بەرنامەكان (ژمێریاری سەربازی) دەستدەكرێت بە ئەنجامدا رێكارە دارایی و ژمێریارییەكان بۆ تەواوكردنی ئامادەكارییەكان."

ئەوەش روونكراوەتەوە:" رۆژی یەكشەممە 7ی ئەیلول، دەست بە دابەشكردنی ئەو هاوكارییە دەكرێت."

وەك لەراگەیەندراوەكەدا هاتووە:"لەم مانگەدا، نزیكەی (٩٥٪) ئەفسەر و پلەدار و پێشمەرگە بە سیستەمی پڕۆژەی هەژماری من هاوكاری هاوپەیمانان وەردەگرن، ئەوانەی تریش لە رێگەی سیستەمی بانكیەوە هاوكارییەكان وەردەگرن."