راچڵەکین- 

بەڕێوەبەرایەتی گشتی کەشناسی و بومەلەرزەزانیی هەرێم بڵاویکردەوە: کاریگەری ئەو شەپۆلەی روویکردووەتە ناوچەکە بەرەو لاوازی دەچیت و لە ناوچە شاخاوییەکان کاریگەرییەکەی دەمێنێتەوە بە شێوەی بەفر بارینی بچڕ بچڕ.

ئاماژەی بەوەشکرد: سبەی سێشەممە، کاریگەری شەپۆلەکە نامێنێت، بەڵام پلەکانی گەرما هەر بە نزمی دەمێننەوە و هۆشداری دەدەین لەوەی ئەمشەو و کاتەکانی بەیانی پلەکانی گەرما بۆ ژێر سفر پلەی سیلیزی دادەبەزێت.

روونیشیکردەوە: پلەکانی گەرما لە سەنتەرت هەولێر لە سفر نزیک دەبنەوە، لە سەنتەری سلێمانی و دهۆک و هەڵەبجە بۆ ژێر سفر دادەبەزێت، لە ئیدارە سەربەخۆکانی سۆران و راپەڕین بۆ سێ پلە ژێر سفر دادەبەزێت.