راچڵەکین-
دەزگای ئاسایشی هەرێم لە راگەیەندراوێکدا دەستگیرکردنی شەش بازرگانی ماددەی هۆشبەری راگەیاند.
دەقی راگەیەندراوەکەی دەزگای ئاسایش:
بەڕێوەبەرایەتی نەهێشتنی ماددە هۆشبەرەکان،
لە سێ چالاکییدا، توانیان(٦)بازرگانی ماددەی هۆشبەر لەسنووری پارێزگای سلێمانی دەستگیربکەن.
چالاکی یەکەم: لەڕۆژی ٢٠٢٦/٧/١٦ لەدوای بەدواداچوون و ئەنجامدانی لێکۆڵینەوە توانرا، دەستبەسەر بڕی (٣.٥) سێ کیلۆ و پێنج سەد گرام ماددەی هۆشبەر لەجۆری ماریوانا بگیرێت و (کڕیار و فرۆشیار) دەستگیربکەن.
چالاکی دووەم: لەڕۆژی ٢٠٢٦/٧/٢٥ لەدوای بەدواداچوون و لێکۆڵینەوە، توانرا دەستبگیرێت بەسەر بڕی(٥.٣) پێنج کیلۆ و سێ سەدگرام ماددەی هۆشبەر لەجۆری تلیاک کە بەنیازبوون ڕەوانەی وڵاتانی ئەوروپای بکەن.
چالاکی سێیەم: لەڕۆژی ٢٠٢٦/٨/١ لەدوای کۆکردنەوەی زانیاری و بەدواداچوون توانرا، دەستبەسەر بڕی(١٤٩.٤٩٠) سەد و چل و نۆ هەزار وچوار سەد و نەوەد دەنک حەبی هۆشبەر و بڕی (٣٥٠) سێ سەد و پەنجا دەرزی هۆشبەر بگیرێت کەبەنیازی ناردنی بوون بۆ وڵاتێکی عەرەبی دراوسێ.
لەئێستادا تۆمەتباران بەماددەی ٢٥ لەیاسای ماددە هۆشبەرەکان و کارتێکارە ئەقڵییەکان ڕاگیراون و لێکۆڵینەوە لەدۆسییەکانیان بەردەوامە.