ڤیدیۆ: پیاوێك به‌ ڕووتی و به‌ته‌نها له‌ دورگه‌یه‌كدا ژیا و نه‌یانهێشت خه‌ونه‌كه‌ی‌ بێته‌دی

هەمەڕەنگ

پێش 3 هەفتە     ژمارەی بینراو 10063

ڤیدیۆ: پیاوێك به‌ ڕووتی و به‌ته‌نها له‌ دورگه‌یه‌كدا ژیا و نه‌یانهێشت خه‌ونه‌كه‌ی‌ بێته‌دی

ڕاچڵه‌كین-

"هه‌مو ته‌مه‌نم به‌هه‌شتێكی له‌م شێوه‌یه‌ بۆ ژیانكردن نادۆزمه‌وه‌" ئه‌مه‌ وته‌كانی پیاوێكه‌ ماوه‌ی‌ 29 ساڵه‌ به‌ ته‌نها له‌ دورگه‌یه‌ك له‌ ژاپۆن ده‌ژی.

ناكازاگی ناوی ئه‌م پیاوه‌ ژاپۆنیه‌یه‌ كه‌ ته‌مه‌نی 84 ساڵه‌ و وه‌ك وێنه‌گر پێشتر كاری كردوه‌ و خۆی به‌ به‌خته‌وه‌رترین پیاوی جیهان وه‌سف ده‌كات و ئه‌و ده‌ڵێت" لێره‌ هیچ شتێكی خراپ ڕوونادات"

ئه‌م پیاوه‌ له‌ ته‌مه‌نی 55 ساڵیه‌وه‌ به‌ ته‌واوه‌تی له‌ مرۆڤ دووركه‌وتۆته‌وه‌ و له‌ دوورگه‌ی‌" سۆتۆباناری"  له‌ ژاپۆن ماوه‌ی‌ 29 ساڵ ژیاوه‌  كه‌ ئێستا دوورگه‌یه‌كی چۆڵكراوه‌ و كه‌سی تیادا نییه‌ . 

ناكازاكی ده‌ڵێت" ئه‌م دوورگه‌یه‌ به‌ته‌واوه‌تی منی گۆڕی و وایلێكردم له‌گه‌ڵ دۆخه‌كه‌ ڕابێم، ئه‌م پیاوه‌ كاتێك چۆته‌ دورگه‌كه‌ چه‌ندین پێداویستی مۆدێرنی له‌گه‌ڵ خۆی بردوه‌ و به‌ڵام به‌هۆی گێژه‌ڵوكه‌یه‌ك كه‌ ڕووی له‌ دورگه‌كه‌ كردوه‌ ته‌واوی كه‌لوپه‌له‌كانی له‌ده‌ستداوه‌ و له‌ ئێستادا بێ كه‌لوپه‌ل ده‌ژی و ده‌شڵێت" پێویستم به‌ هیچ كه‌لوپه‌لێك نییه‌"

تاكه‌ ئاواتی ئه‌م پیاوه‌ ئه‌وه‌یه‌ به‌ ته‌نها بمرێت بێ ئه‌وه‌ی‌ هیچ كه‌سێك بێزار بكات، به‌ڵام ده‌سه‌ڵاتدارانی ئه‌و وڵاته‌ ڕێگه‌یان نه‌دا ئه‌م پیاوه‌ خه‌ونه‌كه‌ی‌ بێته‌ی‌ دی و له‌ مانگی 5 ی 2018 ناچاریان كرد دورگه‌كه‌ جێبهێڵێت چونكه‌ بۆ ژیانكردن شیاو نییه‌"

 

 

 

 

 

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن