#كۆرونا دوژمنی هەمووانە لەچینەو تا ماچین، جیاوازی چینەكانی مرۆڤایەتی نازانێ.
#یەكەم جارە كورد لەنەهامەتیدا تەنیا نیەو لەگەڵ جیهاندا یەك چارەنووسی هەیە.
#ترس و تۆقین لە كۆرونا زۆر جار مەترسیدارترە لە خودی ڤایرۆسی كۆرونا.
#كۆرونا زۆر كەس و كۆمپانیای ئیفلاس كردو، زۆر دڵ و دەروونی لەمرۆڤبوون دەوڵەمەند كرد.
#كۆرونا ئەو شەڕەی هاتە بەردەم هەموو ماڵێك.
#ئەوەی سنورەكانی داخست كۆرونا بوو، ئەوەی تەواوی مرۆڤایەتی هاوهەڵوێست كرد هەر كۆرونا بوو.
#كۆرونا دەمامكی لەسەر راستیەك هەڵماڵی كە مرۆڤایەتی لەپێش ئابوری و قازانجەوەیە.
#كۆرونا مرۆڤی خستەوە بەردەم تاقیكردنەوەیەكی چارەنووساز، ئەزموون بەسەر هەموو كۆسپەكاندا سەری دەخات.
#ژیان ئەزموونكردنی ڤایرۆس و دژەكانیەتی لەپێناو مانەوەدا.
#كۆرونا دەرسێكە بۆ مرۆڤ لە پاكوخاوێن راگرتنی خۆی و ژینگەی زەوی.
#لەسەردەمی كۆروناشدا هەندێك هێشتا هەر بیریان تەنیا لای پارەو قازانجە.
#كاتێك مرۆڤ ژیانی خۆی و زەوی لە بیر دەكات، پێویستی بە زلـلەیەكە؛ كۆرۆنا ئەو زلـلەیەیە.
#كۆرونا بە نادیاری هات و بەنادیاریش ئەڕوات.
#ئەمەی دەگوزەرێت جەنگی جیهانییە! بەڵام خۆشبەختانە مرۆڤایەتی یەك سوپایە دژی زیندەوەرێكی تر كۆتایی جەنگەكەش دیارە!
#كۆرونا یەك گوناهە، هەزار تۆبەی كاتی بە مرۆڤایەتی كرد.