ڤیدیۆ: دوای چونه‌ ناو گۆڕی توت ئانخ ئامون زانایه‌ك توشی شۆك بووه‌

کەلتوور

19/07/2021     ژمارەی بینراو 959

ڤیدیۆ: دوای چونه‌ ناو گۆڕی توت ئانخ ئامون زانایه‌ك توشی شۆك بووه‌

ڕاچڵه‌كین- چراخان ئاسۆ 

پرۆفیسۆره‌ جوان فلیتشر پسپۆڕی بواری ئاسه‌واره‌ و دوای ئه‌وه‌ی‌ چۆته‌ ناو گۆڕی توت ئانخ ئاموون كه‌ نازناوه‌كه‌ی‌"فیرعه‌ونی ئاڵتونیه‌" به‌هۆی قوڵی و سه‌رنجڕاكێشی ناو گۆڕه‌كه‌ شۆك بووه‌.

ئه‌م خانمه‌ دوای به‌شداریكردنی له‌ پرۆگرامی دۆكیۆمێنتاری""The Valley Of Kings: The Egyptian Golden Age" باسی له‌وه‌ كردوه‌ كه‌ قوڵی گۆڕه‌كه‌ی‌ ئامون 174 مه‌تره‌ و تیایدا چه‌ندین ژوور و ڕێڕه‌و هه‌یه‌ كه‌ هه‌مویان به‌ ده‌ست نه‌خشێندراون له‌ زه‌ویه‌كه‌یه‌وه‌ هه‌تا بنمیچه‌كه‌ی‌ و پڕه‌ له‌ ئه‌ستێره‌ی‌ ئاڵتونی بچووك و دره‌وشاوه‌.

فلیتشه‌ر باسی له‌وه‌ كردوه‌ كه‌ گۆڕه‌كه‌ ده‌كه‌وێته‌" دۆڵی پاشاكان" له‌ شاری ئه‌قسه‌ر له‌ باشووری میسر و ئه‌مه‌ش گه‌وره‌ترین گۆڕی فیرعه‌ونیه‌كانه‌ كه‌ له‌م ناوچه‌یه‌ دروستكراوه‌ .
توت ئانخ ئاموون یه‌كێك بووه‌ له‌ به‌ناوبانگترین پاشاكانی میسر و نازناوی" فیرعه‌ونی بچووك" ی پێدراوه‌ و ساڵانی 1334-1325 ی پ.ز ده‌سه‌ڵاتی ناوچه‌كه‌ی‌ گرتۆته‌ ده‌ست.

 

 

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن