دامەزراندنی مامۆستای وانەبێژ دەستپێدەكاتەوە

کوردستان

26/10/2020     ژمارەی بینراو 4053

راچڵەكین - 

بەڕێوەبەرایەتی پەروەردەی دەربەندیخان بڕیاری دامەزراندنی ژمارەیەك مامۆستا بەشێوەی گرێبەست رادەگەیەنێت و مەرجەكانیش بڵاودەكاتەوە.

پەروەردەی دەربەندیخان لە راگەیەندراوێكدا كە ئەمڕۆ 26-10-2020 بڵاویكردووەتەوە، ئاگاداری دەرچوانی هەردوو بەشی كۆلێژی پەروەردەی تایبەت، كۆلێژی ئاداب كۆمەڵناسی، لە سنووری بەڕێوەبەرێتی پەروەردەكەیان كردووەتەوە، رۆژانی دووشەممە و سێشەممە، كاتكۆ 9ی بەیانی، سەردانی دیوانی پەروەردەی قەزاكە بكەن بەمەبەستی دانانیان وەك وانەبێژی پەروەردەی تایبەت. 

راگەیاندراوەكە، مەرجەكانی وەرگرتنی ئەو مامۆستایانەی دیاریكردووە، كە دەبێ دەرچووی سنووری دەربەندیخان بێت و تەنها دەرچووانی هەردوو بەشی ئاماژەپێكراو دەگرێتەوەو هیچ بەشێكی تر مامەڵەی لێ وەرناگیرێت. 

پەروەردەی دەربەندیخان ئاشكراشیكردووە، دانان بەپێی بەرزترین كۆی خاڵی كۆكراوەی داواكار دەبێت و ژمارەی ئەو مامۆمساتیانەش كە وەردەگیرێن، دیاریكراوەو بەپێی پێویستی پەروەردەكە دەبێت.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن