راچڵەكین –
لەناحیەی سەنگەسەر لە سنووری ئیدارەی راپەڕین، لە رووداوێكی تەقەكردندا، هاووڵاتییەك بە سەختی بریندار بوو، پۆلیسی ناوچەكەش تەقەكەرەكەیان دەستگیركرد.
بەڕێوبەرایەتی پۆلیسی راپەڕین لە راگەیەندراوێكدا بڵاویكردەوە، ئێوارەی ئەمڕۆ 14-5-2022، لە ناحیەی سەنگەسەر-ی سەر بە قەزای پشدەر، كەسێك تەقەی لە دوكاندارێك كرد و بەسەختی برینداری كرد.
پۆلیس راپەڕین ئاماژەی بەوەشكردووە، دوای ڕووداوەكە دەستبەجێ تۆمەتبارەكە لەلایەن هێزەكانی بنكەی پۆلیسی سەنگەسەر-ەوە دەستگیركراو بریندارەكەش كە برینەكەی سەختە، بەپەلە گواسترایەوە بۆ نەخۆشخانەی گشتی ڕانیەو لەژێر چاودێری پزیشكیدایە.
بەگوێرەی زانیارییەكان، هاووڵاتییەكە فیەشكێك بەر سەری كەوتووە، تائێستا هۆكاری رووداوەكە نەزانراوە.