ڤیدیۆ: فه‌یروز له‌ نوێترین ده‌ركه‌وتنیدا له‌ خودا ده‌پاڕێته‌وه‌

کەلتوور

04/04/2020     ژمارەی بینراو 58

فه‌یروز

ڕاچڵه‌كین-

خانمه‌ هونه‌رمه‌ندی ناوداری لوبنانی "فه‌یروز" نوێترین ڤیدیۆیی له‌ ماڵه‌كه‌ی خۆیدا بڵاوكرده‌وه‌ و تیایدا ده‌رده‌كه‌وێت نزا ده‌كات و له‌ خودا ده‌پاڕێته‌وه‌ كۆتای به‌ به‌ڵا و په‌تای ڤایرۆسی كۆرۆنا بێت له‌ جیهاندا.

فه‌یروز په‌یڕه‌وی ئاینی مه‌سیحیه‌ و له‌ ڤیدیۆكه‌دا كتێبی ئینجیلی به‌ ده‌سته‌وه‌یه‌ و داوا ده‌كات هه‌موو چاو ببڕنه‌ تواناكانی خودا و ته‌نها ئه‌و ده‌توانێت ئه‌م دۆخه‌ ئاسایی بكاته‌وه‌ و ئارامی بگه‌ڕێنێته‌وه‌ بۆ جیهان .

ئه‌م خانمه‌ ده‌ڵێت" خودا گوێت له‌ هاوار و ناڵه‌ی‌ من بێت، من بۆ تۆ نوێژ ده‌كه‌م و ته‌نها له‌ تۆ چاوه‌ڕێ ده‌كه‌م ڕوناكی بگه‌ڕێنیته‌وه‌ بۆ ژیانمان و ئه‌م تاریكیه‌ هه‌ڵبگریت ئه‌گه‌ر تۆ هێزم پێنه‌ده‌یت ئه‌وه‌ من توانای ئه‌وه‌م نابێت داوات لێبكه‌م و بێده‌نگ ده‌بم"

زۆرێك له‌و كه‌سانه‌ی‌ ئه‌م ڤیدیۆیه‌یان بینیوه‌ باسیان له‌وه‌ كردوه‌ زۆر بیری ده‌نگی ئه‌م خانمه‌ ده‌كه‌ن به‌ تایبه‌ت له‌م دۆخه‌دا كه‌ هه‌مووان سترێسن و پێویستیان به‌وه‌ هه‌یه‌ ئارام ببنه‌وه‌.

 

 

 

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن