راچڵەكین -

تەرمی گەنجێك گەیەندرایە پزیشكی دادی سلێمانی، كە بەپێی زانیارییەكان، بەهۆی كەوتنەخوارەوەی لە باڵەخانەیەكی نیشتەجێبوون، گیانی لەدەستداوە.

ئەمشەو، تەرمی گەنجێكی تەمەن 18 ساڵە گەیەندرایە پزیشكی دادی سلێمانی، كە بەوتەی سەرچاوەیەكی فریاكەوتنی خێرای سلێمانی، گەنجەكە لە نهۆمی چوارەمی یەكێك لە شوقەكانی دانیا سیتی، خۆی فڕێداوەتە خوارەوەو بەهۆیەوە گیانی لەدەستداوە.

لەدوای رووداوەكە، هێزە ئەمنییەكانی سلێمانی گەیشتوونەتە شوێنەكەو لێكۆڵینەوەیان لەبارەی هۆكاری راستەقینەی رووداوەكە دەستپێكردوووە.