راچڵەكین-
سادق عەتیە، كەشناسی عیراقی پێشبینی دەكات، وڵات بە گشتی بكەوێتە ژێركارگەریی شەپۆلێكی سەرما و پلەكانی گەرما بۆ ژێر سفری سەدی داببەزن كە لەمڕۆ چوارشەممەوە دەستپێدەكات.
بەپێی نوسراوێك كە لەلایەن سادق عەتیە لەسەر تۆڕی كۆمەڵایەتی (فەیسبوك) بڵاوكرایەوە"شەپۆلێكی سەرمای جەمسەری لەمڕۆ چوارشەممەوە و تا بەرەبەیانی سبەینێ پێنجشەممە وڵات دەگرێتەوە، پلەكانی گەرما بۆ ژێر پلەی سفری سەدی دادەبەزن، بە تایبەت لە ناوچەكانی باكوور و ناوچە بیابانەكانی خۆرئاوای عیراق".
بە وتەی ئەو كەشناسە"باری كەشوهەوای وڵات دەكەوێتە ژێر كاریگەری شەپۆلێكی جەمسەری و ئەم حاڵەتەش تا ناوەڕاستی هەفتەی داهاتوو بەردەوام دەبێت، لە رۆژی شەممەی داهاتووشدا سەرما دەگاتە ترۆپك، پاشان پلەكانی گەرما روو لە بەرزبوونەوە دەكەن.
