راچڵەکین-
لە یەکێک لە گەڕەکەکانی شاری هەولێر شەڕە تەقە لەنێوان ژمارەیەک هاوڵاتیدا روویدا و کوژراو و برینداری لێکەوتەوە.
بەگوێرەی زانیارییەکان، کەمێک پێش ئێستا لە گەڕەکی
هەولێری نوێی شاری هەولێر شەڕە تەقە لەنێوان ژمارەیەک هاوڵاتیدا روویدا و
بەوهۆیەشەوە چەند کەسێک گیانیان لەدەستداوە.
هاوکات زانیارییەکان ئەوە ئاشكرا دەکەن، رووداوەکە بەهۆی
کێشەی زەویوزارەوە روویداوە و جگە لەو کەسانەی کوژراون، چەند هاوڵاتییەکیش بە
برینداری گەیەندراونەتە نەخۆشخانە.
تاوەکو ئێستا هیچ لایەنێکی فەرمی لەبارەی رووداوەکە و ژمارەی تەواوی قوربانییەکانەوە لێدوانی نەداوە و چاوەڕوان دەکرێت لە چەند کاتژمێری داهاتوودا زانیاری زیاتر بڵاوبکرێتەوە.