راچڵەكین -

لویس دیاز ئەستێرەی یانەی لیڤەرپوول-ی ئینگلیزی دەستبەرداری یانەكەی دەبێت و لە بەرامبەر 70 ملیۆنم یۆرۆ، بەرەو ئەڵمانیا دەفڕێت بەمەبەستی پەیوەندیكردن بە یانەی بایرن میونخ.

ئەو یاریزانە كۆڵۆمبییە لە پەیامێكدا كە لە ئینستاگرام بڵاویكردەوە، ئێستا لە شاری میونخ-م، پشكنینە پزیشكییەكانم بە سەركەوتوویی ئەنجامدا و وەرزی داهاتوو بە درێسی بایرن لە خولی بۆندسلیگا یاری دەكەم.

بەهای گرێبەستەكەی لویس دیاز 70 ملیۆن یۆرۆیە و تا ساڵی 2029 بەردەوام دەبێت، یانە باڤارییەكە مافی ئەوەی هەیە ساڵێكی تریش وادەی گرێبەستەكە درێژبكاتەوە.

پێشتر لویس دیاز یەكێك بوو لە ئامانجەكانی یانەی بەرشەلۆنە، بەڵام یانە كەتەلۆنییەكە بەهۆی گرفتی داراییەوە، نەیتوانی ئەو بڕە پارەیە دابین بكات كە یانەی لیڤەرپوول بۆ دەستبەرداربوونی لە یاریزانە كۆڵۆمبییەكە، داوای دەكرد.