راچڵەكین-
وەزارەتی خوێندنی باڵاو توێژینەوەی زانستی حكومەتی هەرێمی كوردستان، ڕێنمایی نوێ سەبارەت بە خانەنشینكردنی فەرمانبەران و مامۆستایانی گرێبەست، بڵاودەكاتەوە.
وەزارەتی خوێندنی باڵا و توێژینەوەی زانستی، گشتاندنێكی فەرمی بۆ سەرجەم زانكۆ حكومییەكان و دەستە زانستییەكان دەركرد سەبارەت بە ڕێكارە نوێیەكانی خانەنشینكردنی فەرمانبەران و مامۆستایان.
بەپێی ناوەڕۆكی گشتاندنەكە كە پشتی بە نوسراوی ئەنجومەنی وەزیران و بەڕێوەبەرایەتی گشتی خانەنشینی بەستووە، مەرجی سەرەكی خانەنشینبوون بریتییە لە تەواوكردنی تەمەنی (60) ساڵی و هەبوونی ماوەی (15) ساڵ خزمەت لە كاتی تەواوكردنی تەمەنی خانەنشینیدا.
