فارس عیسا، نوێنەری حكومەتی هەرێم لەبەغدا
راچڵەكین ـ
نوێنەری حكومەتی هەرێمی كوردستان لەبەغدا، ئەو دەنگۆیانە رەتدەكاتەوە كە بەغدا مووچەی ئەم مانگەی فەرمانبەرانی هەرێم رەوانە ناكات.
فارس عیسا،ئەمڕۆ سێشەممە 18-2-2020 بە(راچڵەكین)ی راگەیاند:" وەزیری دارایی حكومەتی عیراق واژۆی لەسەر مووچەی هەرێمی كوردستان كردووە و هیچ كێشەیەك دروست نەبووە".
وتیشی"لەو بڕوایەدام لەم هەفتەیەدا مووچەی فەرمانبەران بگاتە هەولێر".
بەهۆی دواكەوتنی ناردنی مووچەی فەرمانبەرانی هەرێم لە لایەن بەغداوە، دەنگۆی ئەوە بڵاوكرایەوە بەشە مووچەی فەرمانبەرانی هەرێمی كوردستانی بڕدراوە.